حديث ومغزل مع سناء الزعيم - وصفات الدكتور عماد ميزاب وصفة لنقصان الوزن ـــ وصفة للشراطي ـــ وصفة للبشرة الحساس

اليوم في حديث ومغزل مع سناء الزعيم كان معانا الدكتور عماد ميزاب الدكتور في الصيدلة و الأخصائي في التداوي بالأعشاب وهذه هي الوصفات اللي قدم لينا الدكتور عماد :

* وصفة للبشرة الحساسة : معلقة صغيرة عسل ، معلقة كبيرة زيت اللوز الحلو ، معلقة كبيرة زيت الأفوكا ، نصف بنانة و معلقة صغيرة من زيت اللوز مقشر ومطحون ، نجمعو كل هاد العناصر و ندهنو بها مدة 40 دقيقة  2 المرات في الأسبوع مدة 4 أشهر.

* وصفة للحناش : نبخرو الشريحة و الزعتر و نبداو نتناولوها.

* وصفة للأماكن الداكنة : ندهنو بزيت الخيار.

* وصفة لنقصان الوزن : 3 كيلو من الكرعة الحمراء ، 2 برتقالات كبار و حامضة واحدة.

نطبخو لب الكرعة مع البرتقالات و الحامض مقطعين في 2 لتر ماء و يشرب كأس كبير من بعد الفطور و الغذاء.

* وصفة لنقصان الوزن : نمعكو اللب ديال أفوكا مع 2 معالق كبار ديال الطين و 3معالق كبار من الزوان مطحون و معلقة كبيرة من زيت العود و ندهنو بالخليط ثم نوضعو السولوفان مدة ساعة واحدة و يغسل.

* وصفة  للشراطي : 50 مللتر من زيت العود و 10 نقاط من زيت العرعار و 10 نقاط من زيت الخزامى ، نوضعو الخليط ونبداو بدلكه ببطء من بعد أخذ الدوش.

وصفة للصيبانة : يدهن بزيت الخزامى.

* وصفة للبهق: زيت الزعتر ، زيت الباديان و زيت الثوم ، ويدهن بالخليط أماكن البهق .

* وصفة لتبييض اليدين : زيت الخيار و زيت الرمان ، ويدهن بالخليط اليدين.

* وصفة للحساسية : يدهن فقط بزيت البابون